ئاگات لە دڵم بێ
ن: بەیان ئیبراهیم
ئاگات لە دڵم بێ
دڵ هۆگر بونە
وەک ئەو پاسارییەی
تا نەچێتە ناو هێلانەکەی
چاوی داناخا،
دڵ بارمەتەیە لای تۆ
وەک ئەو گوڵەی
تا شەماڵ هەڵنەکات سەما ناکا،
ئاگات لە دڵم بێ
دڵ شەیدا بونە
وەک ئەو عارفەی
تا نوری خوداوەند نەبینێ
بەرماڵەکەی ڕاناخا،
دڵ ئالودە بونە
وەک عاشقەی تا شەراب نەخوا
تا گۆرانی نەچڕێ
بەهار خۆی ڕەنگاو ڕەنگ ناکا،
ئاگات لە دڵم بێ
کاتێ بارمتەیە لە ناو لەپی دەستا
کاتێ هۆگرت دەبێ لە ناو چاوتا
کاتێ ئالودەت دەبێ لەناو ڕۆحتا
کاتێ شەیدا دەبێ لەبەردەم هەڵهاتنتا
