کۆبوونەوەیەک بۆ پشتیوانی ئەنجومەنی باڵای خانمان

سەرلەبەیانی ئەمڕۆ 10/1/2023 د. ھەڤاڵ ئەبوبەکر پارێزگاری سلێمانی لە دیوانی پارێزگا ، پێشوازیکرد لە بەڕێزان دکتۆر خانزاد ئەحمەد ئەمینداری گشتیی ئەنجومەنی باڵای خانمان و گەشەپێدان و ئەندامانی ئەنجومەنەکە .

دواتر بەئامادەبوونی دکتۆر موحسین ئەدیب بەرێوەبەری گشتی ڕۆشنبیریی و هونەری سێمانی و بەرپرسی یەکەی یەکسانی جێندەری دیوانی پارێزگای سلێمانی و بەڕێزان بەڕێوەبەرە گشتییەکان و بەڕێوەبەری فەرمانگا پەیوەندیدارەکانی سلێمانی کۆبوونەوەیەکی هاوبەش بەڕێوەچوو بە مەبەستی هەماهەنگیی و پشتیوانیکردنی ستراتیژو ئامانجەکانی ئەنجومەنی باڵای خانمان و گەشەپێدان.