بۆچی DCAsuli؟
لە سۆنگەی بەرپرسیارێتیمانەوە وەک بەشی ڕاگەیاندن هەستمان بە دابڕان و بۆشاییەک کرد لە ڕووماڵ و خستنەڕووی ئەرک و چالاکیی بەشە هونەری و ڕۆشنبیرییەکانی بەرێوەبەرایەتی گشتی ڕۆشنبیری و هونەری سلێمانی پێمانوابوو لە پێناو برەودان و گەشەدان بە کایە هونەری و ڕۆشنبیرییەکان و کردنەوەی ڕایەڵەیەک لەنێوان ڕۆشنبیران و وهونەرمەندانی کوردستان بە مەبەستی ئاگاداربوون لە کارو چالاکی و بەرهەمەکانیان لە رێگای وێبسایتێکەوە کە هەمووان بەماڵی خۆیان و زمانحاڵی خۆیانی بزانن دانانی DCAsuli زەرورییە.
بە هیواین بتوانین لەئاست گەورەیی و شکۆی هونەریی و ڕۆشنبیریی کوردستانیانی ئازیزدا بین، هەر لەو سۆنگەوە کار دەکەین بۆ دەوڵەمەندکردن و پەروەردەکردنی ئاستی ڕۆشنبیریی و هونەریی خۆمان بە سوود وەرگرتن لە ئەزموون و دید و بۆچوونی جۆراوجۆر و هەمەڕەنگ بۆ ئەمەش چاومان لەهاوکاری و پشتگیری رۆشنبیران و هونەرمەناندانە بۆ ئەوەی ئەم ئەرکە قورسەی خستوومانەتە سەرشانمان بیگەینینە مەقسەد راستە لە هەلومەرجی ئێستاداو لەم بارودۆخە ناسک و سەختەدا کە قەیرانی ئابووری تەنگی بە هەموو لایەک هەڵچنیوە و کاریگەرییەکی نەرێنی کردۆتە سەر کۆی کایە هونەری و ڕۆشنبیرییەکان بەڵام لە هەمانکات ویست و ئیرادەی رۆشنبیران و هونەرمەندانی کوردستان بۆ بووژاندنەوە و بەرەوپێشبردنی کاروانیی فەرهەنگ و کەلتووری گەلەکەمان وەک چیاکانی کوردستان پشتیان بە خۆیان بەستووە و خۆڕاگرانە بەرگەی هەموو تاڵی و ناخۆشییەکیان گرتووە .
ئێمە لەم کاتەوە بە کاروانەڕێی هونەر و ڕۆشنبیریدا بەڕێکەوتووین و دڵنیان ئەو پەیامەی هەڵمانگرتووە بە ئامانەتەوە دەیگەێنین بە مەنزڵگەی هیوا و ئاواتەکانمان ، ماندوو دەبین بەڵام کۆڵ نادەین وەک چۆن هاورێیانمان لە بەشە جیاجیاکاندا کۆڵنادەن و نەوەستاون دڵنیاین پێکەوە دەتوانین بەسەر هەموو کۆسپ و ئاستەنگەکاندا سەربکەوین ڕەنگە کەم و کوڕی و ئاریشە و گرفتیشمان هەبیت بەڵام کاتێک ئەو شتانە لە ئارادا نین کە تۆ نەبزوێیت و جوولەت نەبێت واتە کار نەکەیت و وەستا بیت! بەڵام کاتێک دەستت بە جووڵە و ئیش وکار کرد ئاستەنگیش دەبێت لەو حاڵەتەدا ئەوە تۆی داهێنەر و خاوەن پرۆژەیت کە بە باوەڕ بەخۆ بوون چارەسەرەکان دەدۆزیتەوە و هەنگاو بە هەنگاو بەرەو پێش دەڕۆیت لەکۆتایییدا هیوادارین لە ئاست متمانە وپاڵپشتی هەموو لایەک بین .
