شانۆیی شالیر و جادووگەرانی مەکبێث لە سلێمانی نمایش دەکرێت
شانۆیی شالیر و جادووگەرانی ماکبێث لە نووسینی، ویلیام شکسپیر و ئامادەکردن و دەرهێنانی کامەران رەئووف لە سلێمانی و لە هۆڵی رۆشنبیری سلێمانی نمایش دەکرێت.
ئەم بەرهەمە شانۆییە، لە لایەن بەڕێوەبەرایەتی گشتی رۆشنبیری و هونەری سلێمانی- تیپی شانۆی شار- و بە هاوکاری پەیمانگەی هونەرە جوانەکانی سلێمانی ئامادە کراوەو بڕیار وایە رۆژانی ٤ بۆ ١٠ی مارس و هەموو رۆژێک کاتژمێر ٥ی ئێوارە، لە هۆڵی رۆشنبیری سلێمانی پێشکەش بکرێت.
جێگەی ئاماژەیە شانۆیی شالیر و جادووگەرانی ماکبێث ، لێکهەڵپێکانی دووبەرهەمی ناوداری ویلیام شکسپیرە و وەک کارێکی دەق ئاوێزان ( Intertextuality )پێشکەش دەکرێت کە لە شانۆییدا تەکنیکێکی نوێیە و زۆر کەم تا ئێستە کاری هاوشێوەو بەم تەکنیکە لە شانۆیی کوردیدا کراوە.
