بریکاری وەزارەتی رۆشنبیری و لاوان دەست بەکار بوو
هەولێر، دووشەممە (13ـی شوبات/ فێبرایەری 2023)
حەمەی حەمەسەعید، وەزیری ڕۆشنبیری و لاوانی حكومەتی هەرێمی كوردستان، پیرۆزبایی دەستبەكاربوونی لە ئاریان سەڵاحەدین، بریكاری نوێی وەزارەت كرد و وێڕای پێشكەشكردنی چەپكەگوڵی پیرۆزبایی، هیوای خواست لە كاروئەركی نوێیدا سەركەوتوو بێت.
پێش نیوەڕۆی ئەمڕۆ وەزیری ڕۆشنبیری و لاوان، سەردانی نووسینگەی بریكاری وەزارەتی كرد، لە دیدارێكیدا لەگەڵ بریكاری نوێی وەزارەت، باسی لە گرنگی سەرخستنی هەوڵەكانی وەزارەت و جێبەجێكردنی نەخشەڕێگەی وەزارەت بۆ خزمەتكردنی زیاتری ڕۆشنبیران، هونەرمەندان، كایەی ڕۆشنبیری، فەرهەنگی، زمان و كولتووری كوردی كرد.
لە بەرامبەردا، ئاریان سەڵاحەدین سوپاسی وەزیری ڕۆشنبیری و لاوانی بۆ بەخێرهێنان و پیرۆزبایی كردنی كرد، هیوای خواست لە قۆناغی كاركردنیدا بتوانێت خزمەتی زیاتر پێشكەش بكات.
