بە بۆنەی ساڵیادی کۆچی دوایی پیکاسۆ، لە پاریس پێشانگایەک دەکرێتەوە
و: سەلاحەدین قادر
سایتی ئیلاف بڵاویكردووەتەوە: بڕیارە رۆژی (8/2/2023) لە پاریسی پایتەختی وڵاتی فەرەنسا پێشانگایەك لە پەنجاهەمین ساڵیادی كۆچی دوایی پابلۆ پیكاسۆ (1881-1973) لە (مۆزەخانەی مرۆڤ Musee de l’Homme) بكرێتەوە، پێشانگاكە تایبەتە بە كاریگەریی هونەریی شارستانییەتەكانی پێش مێژووە لەسەر كارە هونەرییەكانی ئەو هونەرمەندە. بڕیاریشە پێشانگاكە بەردەوامبێت تا ڕۆژی 12 حوزەیرانی ئەمساڵ.
ئەو پێشانگایە كە لەژێر دروشمی (پیكاسۆو پێش مێژوو) دەكرێتەوە، زیاتر لە(40) پارچە كاری هونەریی ئەو هونەرمەندە ئیسپانییە و چەندین پارچە مۆزەی دیواربەندی تایبەت بە وێنەی ئاژەڵەكان و پەیكەری بچووك و ئێسكی نەخشێنراوو هەڵكۆڵراوی سەردەمەكانی پێش مێژوو نمایشدەكات، كە تیایدا پەیوەندیی هەندێك لە كارە هونەرییەكانی پیكاسۆ و ئەو سەردەمانە دەردەخات.
“سیسیل گودفروا” مێژوونووسی هونەری، بە رۆژنامەنووسانی رایگەیاند: ئەم پێشانگایە كە دەمانباتەوە سەردەمی چاخی بەردیی كۆن، دەربڕی حەزو ئارەزووەكانی پیكاسۆیە بۆ دۆزینەوەیەكی نوێ.
وتیشی: لە سەرەتای سەدەی بیستدا بۆ یەكەمجار دەركەوت كە هەندێك لەو وێنەو پارچە مۆزەییانە دەگەڕێنەوە بۆ سەدەكانی پێش مێژوو، كە ئەوكات پیكاسۆی هونەرمەند شێوەكارێكی ئەفسانەیی بووە سوودی لەو كار هونەرییانە بینیوە بۆ رەنگدنەوەیان لەكارە هونەرییەكانیدا.
